تحصر تشخيص العطل

 خنسولفلكم عن الطريقة الصحيحة بصيانه عطل باجهزة التكييف ..

اول شي تسويه .. تحاول ان تحصر تشخيص العطل ..

وتاخذ الشور من قائمة الاررات وكتلوك المصنع .. لان هو تقريبا يحصرلك العطل وين.

( اكو اعطال يشتبه بيها.. ومرات يطلع عطل بمكان وحل المشكلة بمكان ثاني )

اغلب الاعطال حتى تعالجها لازم تفرض فرضيات .. وتبدي تسقطها وحدة وحدة .

اول شغلة اتسويها تشغل الجهاز ..

وشوف الداخلية اشتغلت طبيعي لو لا..

اذا اشتغلت طبيعي اعبر للخطوة الثانية ..

وهي ان تنتظر القطعة الخارجية تشتغل

اذا اشتغلت هنا عندك خطوات لازم تسويها

اول شي شوف الضاغط نهض لو لا.... اذا نهض وطبيعي اركض جيك الغاز.... اذا ماكو غاز بعد انحلت روح دور وين تسريب الغاز.

واذا اكو غاز عدك شغلتين لازم تتأكد منهن.... وهن الصمام العاكس..... وقوة دفع الضاغط.

وافحص الاحتمال الثالث هم لا تنساه وهو الاكسبانشن فالف لو الكابلري تيوب....

قد يعجبك ايضا

اذا كلهن صحيحات وماكو مشكلة

هنا يرادلك صفنة وجكارة واستكان جاي

وارجع عيد الفحص

وقبل لا تبلش بكل الكلام الحجيناه

اهم شي قبل كلشي تفحص مصدر الكهرباء والضاغط مشتغل

وتجيك قوة دفع الفان الخارجي

ونظافة الراديتر الحار

وسعة المحيط الحواليه

ومن هاي السوالف الضرورية وبعدين اطبق الكلام اعلاه

وسلامتكم

تعديل المقال